Dènye Nouvèl

Tribinal Siprèm nan deside ke tibebe ki fèt Ozetazini se sitwayen ameriken, kèlkeswa estati imigrasyon paran yo. Mèsi ak manm ASAP yo ki te pran devan pou pwoteje dwa sa a epi defann Konstitisyon ameriken an.

Paj entènèt an sa a te mete ajou dènyèman pou mete enfòmasyon pou moun k ap chèche azil yo sou sitwayènte pa nesans, Estati Pwoteksyon Tanporè (TPS), ak randevou nan tribinal imigrasyon.

Tribinal Siprèm nan deside ke gouvènman an ka fini ak Estati Pwoteksyon Tanporè (TPS) pou Ayiti ak Siri. TPS pou Ayiti ak Siri toujou valab pou yon ti tan, men yo pral pwobableman fini vè 27 jiyè 2026 oswa apre dat sa a.

USCIS anonse ke l ap rejte aplikasyon azil ou a epi l ap anile pemi travay ou si ou pa peye frè azil pou peye chak ane ou a alè. Tribinal imigrasyon pral pwobableman refize oswa anile dosye azil ou a si ou pa peye alè.

Gouvènman an ka kòmanse itilize yon pwosesis yo rele "expedited removal" talè konsa pou depòte kèk moun pi vit si yo gen mwens pase 2 an Ozetazini epi yo te antre Ozetazini san yon viza valab oswa yon pawòl (“parole”).

Yon tribinal te bay USCIS lòd pou l kòmanse trete aplikasyon pou imigran ki soti nan 40 peyi ankò. Men gouvènman an fè apèl, epi nou pa konnen si USCIS pral trete anpil aplikasyon.

Depi mwa me 2026, kèk tribinal imigrasyon planifye premye randevou w nan tribinal (master calendar hearing) pou dè santèn imigran anmenmtan. Yon jij fè randevou a pou tout moun ansanm kòm yon gwoup, olye li fè l pou chak moun apa.

USCIS ap rann li pi difisil pou moun jwenn kat rezidan pèmanan ki baze sou fanmi ak travay depi anndan peyi Etazini. Kat rezidan pèmanan ki baze sou genyen yon ka azil PA afekte pa nouvo politik sa a. 

Li dènye enfòmasyon yo konsènan Estati Pwoteksyon Tanporè (TPS) pou tout peyi yo. 

Gen nouvo tcheke sekirite (security checks) pou aplikasyon USCIS yo, sa gen ladan l azil ak kat rezidan pèmanan. Tcheke sekirite sa yo ka lakòz reta, epi yo ka mande kèk aplikan pou yo bay anprent dwèt yo ankò.

Yon nouvo règ yo pwopoze ta pral limite pemi travay pou moun k ap chèche azil yo, men li poko final. Ou kapab toujou aplike pou yon premye pemi travay 150 jou apre ou fin aplike pou azil.

Si gouvènman ameriken an te fè w mal, ou gen dwa pou w depoze yon reklamasyon nan itilize yon lwa yo rele Lwa Federal sou Reklamasyon pou Domaj (FTCA). Vizite nouvo sit entènèt ASAP la, HurtByICE.com, pou plis enfòmasyon.

Gouvènman an te mete fen nan TPS pou kèk peyi. Men pou lòt peyi, TPS la rete valab akòz kèk pwose nan tribinal. Tribinal Siprèm nan pral pwobableman pran yon desizyon sou TPS anvan kòmansman mwa jiyè.

Gouvènman ameriken an ap anpeche moun k ap chèche azil ak lòt imigran resevwa nouvo lisans pou chofè komèsyal (CDL). Nouvo règ sa a sanble anpil ak yon règ 2025 yon tribinal te bloke. Imigran yo ap konteste nouvo règ la atravè yon nouvo pwose.

Yon nouvo règ yo pwopoze ta rann li enposib pou moun k ap chèche azil yo aplike pou yon premye pemi travay. Règ sa a ta rann renouvèlman kèk pemi travay pi difisil tou. Règ yo pwopoze sa a PA final. Si ou elijib pou yon pemi travay, aplike kounye a!

Gen kèk imigran ki kapab mande liberasyon nan detansyon (detention) atravè yon odyans pou kosyon (bond hearing) oswa yon demann habeas corpus (habeas petition). Yon tribinal deklare gen plis moun ki te travèse fwontyè a ki ta dwe gen opsyon pou yon odyans pou kosyon. Men, pwosesis la kapab difisil.

Tribinal yo bloke IRS tanporèman pou l pa pataje enfòmasyon moun k ap peye taks yo ak ajans imigrasyon yo. Men, nou konnen IRS te pataje done ak ajans imigrasyon yo nan ane 2025, epi li posib pou yo fè sa ankò nan lavni.

USCIS ak tribinal imigrasyon kapab mande kounye a yon frè azil pou peye chak ane (annual asylum fee) ki se $102 si aplikasyon azil ou a gen omwen yon ane depi li ap tann. Anvan sa, yon jij te sispann frè sa yo, men jij la te mete fen nan sispansyon sa a nan dat 2 fevriye.

Apati 21 janvye 2026, gouvènman Ameriken an ap sispann pwosesis viza imigran pou 75 peyi. 75 peyi sa yo se: Afganistan, Albani, Aljeri, Antigwa ak Babouda, Ameni, Azerbaydjan, Bahamas, Bangladèch, Lababad, Belaris, Beliz, Boutan, Bosni ak Erzegovin, Brezil, Bimani, Kanbòdj, Kamewoun, Kap Vè, Kolonbi, Kòt divwa, Kiba, Repiblik Demokratik Kongo, Dominik, Ejip, Eritre, Etyopi, Fidji, Ganbi, Jeyòji, Gana, Grenad, Gwatemala, Gine, Ayiti, Iran, Irak, Jamayik, Jòdani, Kazakstan, Kosovo, Kowet, Repiblik Kigizistan, Laos, Liban, Liberya, Libi, Moldavi, Mongoli, Montenegwo, Mawòk, Nepal, Nikaragwa, Nijerya, Masedwan di Nò, Pakistan, Repiblik Kongo, Larisi, Rwanda, Sen Kits ak Nevi, Sent Lisi, Sen Vensan ak Grenadin, Senegal, Syera Leyòn, Somali, Soudan di Sid, Soudan, Siri, Tanzani, Taylann, Togo, Tinizi, Ouganda, Irigwe, Ouzbekistan ak Yemen.

Gen nouvo restriksyon sou vwayaj pou moun ki soti nan kèk peyi espesifik. Peyi sa yo se Afganistan, Angola, Antigwa ak Babouda, Benin, Bikina Faso, Bimani (Myanmar), Bouroundi, Tchad, Repiblik Kongo, Kòt divwa, Kiba, Dominik, Gine Ekwatoryal, Eritre, Gabon, Ganbi, Ayiti, Iran, Laos, Libi, Malawi, Mali, Moritani, Nijè, Nijerya, Palestin, Senegal, Syera Leyòn, Somali, Soudan di Sid, Soudan, Siri, Tanzani, Togo, Tonga, Tikmenistan, Venezyela, Yemen, Zanbi, ak Zimbabwe.

Pemi travay yo bay moun k ap chèche azil apre 4 desanm 2025 pral valab pou 18 mwa, olye de 5 an. Men, si ou te resevwa yon pemi travay pou 5 an nan dat 4 desanm 2025 oswa anvan sa, li toujou valab pou 5 an. Chanjman sa a aplike tou pou kèk lòt imigran.

Pou kounye a, nou pa kwè poz USCIS pran sou azil la ta dwe gen efè sou dosye nan tribinal imigrasyon pou moun ki soti nan 40 peyi. Men, gouvènman an ap toujou fini anpil dosye nan tribinal imigrasyon san yon randevou devan jij (individual or merits hearing) konplè.

Gouvènman an sispann bay nouvo ekstansyon pemi travay otomatik. Men si ou te deja resevwa yon ekstansyon 540 jou nan dat 29 oktòb oswa anvan sa, ekstansyon ou an toujou valab! 

USCIS rann li pi difisil pou voye peman pa chèk oswa moni odè (money order). Gade enfòmasyon ki ajou sou fason pou fè peman pou nouvo aplikasyon yo.