Dènye Nouvèl

Depi mwa oktòb 2026, USCIS ap chaje frè azil pou peye chak ane a pou pi plis dosye toujou. Tcheke si frè pa w la dwe peye kounye a! Menm si ou te deja peye frè a yon fwa, ou ta dwe kontinye tcheke pou w wè si dezyèm peman w lan dwe fèt.

Paj sa a te mete ajou sa pa gen lontan pou l genyen enfòmasyon pou moun k ap chèche azil yo konsènan chanjman nan pwosesis USCIS, randevou nan tribinal imigrasyon, ak detasyon (detention).

Frè azil pou peye chak ane a se $105 kounye a pou tribinal imigrasyon yo ak Komisyon Apèl Imigrasyon (BIA).

Sistèm sou entènèt pou jwenn moun ki nan detansyon nan ICE la pa montre moun ki nan detansyon ki gen yon lòd depòtasyon (removal order) final ankò. Si ou pa kapab jwenn yon moun ou renmen, sa pa vle di nesesèman yo te depòte li.

DetentionHelp se yon zouti gratis pou moun ki nan detansyon imigrasyon, se ASAP (Pwojè ki an Defans pou Moun k ap Chèche Azil) ak patnè li yo ki te bati li. Li ede w prepare yon demann habeas corpus (habeas petition) pou mande yon tribinal federal distrik (district court) pou lage ou.

Nan dat 9 septanm 2026, USCIS te anonse ke si ou te resevwa Estati Pwoteksyon Tanporè (TPS) pou El Salvador, pwoteksyon ou ak pemi travay ou rete valid pou kounye a, jiskaske yo fè nenpòt lòt nouvo anons.

Gouvènman an voye imèl bay kèk moun k ap chèche azil pou di yo viza yo ta kapab anile. Sa pa fèmen dosye azil ou a epi sa pa vle di ou dwe kite peyi Etazini.

Si peryòd peman frè azil pou peye chak ane ou a te ekspire nan USCIS, ou ta dwe kapab peye kounye a! Sa posib gras ak viktwa manm ASAP yo te genyen nan tribinal.

Si ou te aplike pou azil nan USCIS, ou dwe bay yon rezon “eksepsyonèl” pou chanje dat la nan yon delè 10 jou anvan dat randevou byometrik (biometrics appointment) oswa entèvyou azil la te planifye a.

ICE ap arete plis imigran nan ayewopò yo toupatou nan peyi a, sa gen ladan l moun ki gen aplikasyon k ap tann desizyon, moun ki gen pemi travay ki valid, oswa moun ki gen estati imigrasyon yo ki pral ekspire talè konsa.

Èske dosye azil ou a ap tann desizyon nan tribinal imigrasyon oswa nan USCIS? Èske dosye w la nan apèl nan Komisyon Apèl Imigrasyon (BIA)? Tcheke si frè azil pou peye chak ane (annual asylum fee) ou a dwe peye kounye a, epi peye l alè!

Estati Pwoteksyon Tanporè (TPS) ap fini pou anpil peyi. Li dènye enfòmasyon yo pou tout peyi ki gen TPS.

Pou dosye azil ki nan apèl, BIA kòmanse voye lòd pou peye frè azil pou peye chak ane a. Men, menm si ou poko resevwa yon lòd, ou kapa b chwazi peye l kounye a.

Yon tribinal pèmèt USCIS revize kèk apwobasyon imigrasyon ki te fèt nan tan pase pou imigran ki soti nan 40 peyi ki te rive Ozetazini nan dat 20 janvye 2021 oswa apre dat sa a.

Kòm repons pou pwose manm ASAP (Pwojè ki an Defans pou Moun k ap Chèche Azil) yo te entante, gouvènman an pwolonje otorizasyon travay pou anpil moun ki gen TPS ki soti El Salvador, Soudan, ak Ikrèn.

Gouvènman an pibliye de nouvo lòd egzekitif ki gen rapò ak sitwayènte pa nesans (birthright citizenship). Si ou menm oswa pitit ou se sitwayen Ameriken, konsidere fè demann pou yon paspò kounye a si ou pa gen youn.

Si ou genyen azil, li kapa b posib pou ou mennen mari, madanm, oswa pitit ou Ozetazini. Anvan sa, moun ki soti nan 40 peyi pa t kapab fè sa, men yon jij pa t dakò ak sa.

Nan dat 28 jiyè 2026, USCIS te anonse yon nouvo règleman ki pèmèt ofisye azil yo transfere sèten dosye nan tribinal imigrasyon san yo pa fè yon entèvyou anvan.

Moun k ap chèche azil yo pa gen pou yo peye yon frè pou yo aplike pou sispansyon depòtasyon (withholding of removal) oswa pwoteksyon anba Konvansyon Kont Torti (CAT). Viktwa sa a te rive gras ak defans manm ASAP yo!

Gras ak defans manm ASAP yo, dè milye moun ak òganizasyon te soumèt kòmantè pou opoze chanjman yo te pwopoze pou pemi travay yo.

Gouvènman an kapab kounye a itilize yon pwosesis yo rele "depòtasyon rapid" pou depòte kèk moun pi vit si yo gen mwens pase 2 an Ozetazini epi yo te antre Ozetazini san yon viza valab.

USCIS remete egzijans pou trete premye pemi travay ki baze sou azil yo nan yon delè 30 jou. Sa te rive apre manm ASAP yo te depoze yon pwose!

Tribinal Siprèm nan deside ke tibebe ki fèt Ozetazini se sitwayen ameriken, kèlkeswa estati imigrasyon paran yo. Mèsi ak manm ASAP (Pwojè ki an Defans pou Moun k ap Chèche Azil) ki te pran devan pou pwoteje dwa sa a epi defann Konstitisyon ameriken an.

Yon tribinal te bay USCIS lòd pou l rekòmanse trete aplikasyon pou imigran ki soti nan 40 peyi. Men gouvènman an fè apèl, epi nou pa konnen si USCIS pral trete anpil aplikasyon.

Depi mwa me 2026, gen kèk tribinal imigrasyon ki planifye premye randevou w nan tribinal (master calendar hearing) pou plizyè santèn imigran anmenmtan. Yon jij ap dirije odyans lan pou tout moun kòm yon gwoup, olye li fè sa pou chak moun apa.

USCIS ap rann li pi difisil pou moun jwenn kèk kat rezidan pèmanan ki baze sou fanmi ak travay, men gen kèk aplikan ki jwenn apwobasyon kanmenm. Kat rezidan pèmanan ki baze sou genyen azil yo PA konsène pa nouvo politik sa a.

Li dènye enfòmasyon yo konsènan Estati Pwoteksyon Tanporè (TPS) pou tout peyi yo. 

Gen nouvo tcheke sekirite (security checks) pou aplikasyon USCIS yo, sa gen ladan l azil ak kat rezidan pèmanan. Tcheke sekirite sa yo ka lakòz reta, epi yo ka mande kèk aplikan pou yo bay anprent dwèt yo ankò.

Yon nouvo règ yo pwopoze ta pral limite pemi travay pou moun k ap chèche azil yo, men li poko definitif. Ou kapa b toujou aplike pou yon premye pemi travay 150 jou apre ou fin depoze aplikasyon azil ou a.

Si gouvènman ameriken an te fè w tò, ou gen dwa pou w depoze yon reklamasyon anba yon lwa yo rele Lwa Federal sou Reklamasyon pou Domaj (FTCA). Vizite nouvo sit entènèt ASAP la, HurtByICE.com, pou plis enfòmasyo, klike sou lyen sa.

Gouvènman ameriken an ap anpeche moun k ap chèche azil ak lòt imigran resevwa nouvo lisans pou chofè komèsyal (CDL). Nouvo règ sa a sanble anpil ak yon règ 2025 yon tribinal te bloke. Imigran yo ap konteste nouvo règ sa a atravè yon nouvo pwose.

Yon nouvo règ yo pwopoze ta pral rann li enposib pou moun k ap chèche azil yo aplike pou yon premye pemi travay. Règ la ta pral rann renouvèlman kèk pemi travay pi difisil tou. Règ yo pwopoze sa a PA definitif. Si ou elijib pou yon pemi travay, aplike kounye a!

Gen kèk imigran ki kapab mande pou yo lage yo nan detansyon (detention) atravè yon odyans pou kosyon (bond hearing) oswa yon demann habeas corpus (habeas petition). Yon tribinal deklare gen plis moun ki te travèse fwontyè a ki ta dwe gen opsyon pou yon odyans pou kosyon. Men, pwosesis la kapab difisil.

Tribinal yo bloke IRS tanporèman pou li pa pataje enfòmasyon moun k ap peye taks yo ak ajans imigrasyon yo. Men, nou konnen IRS te pataje done ak ajans imigrasyon yo nan ane 2025, epi li posib pou yo fè sa ankò nan lavni.

USCIS ak tribinal imigrasyon kapab mande yon frè azil pou peye chak ane (annual asylum fee) kounye a si aplikasyon azil ou a gen omwen yon ane depi li ap tann. Anvan sa, yon jij te sispann frè sa yo, men jij la te mete fen nan sispansyon sa a nan dat 2 fevriye.

Gen nouvo restriksyon sou vwayaj pou moun ki soti nan kèk peyi espesifik. Peyi sa yo se Afganistan, Angola, Antigua ak Barbuda, Benin, Burkina Faso, Bimani (Myanmar), Burundi, Chad, Repiblik Kongo, Kòt divwa, Kiba, Dominik, Gine Ekwatoryal, Eritre, Gabon, Ganbi, Ayiti, Iran, Laos, Libi, Malawi, Mali, Moritani, Nijè, Nijerya, Palestin, Senegal, Syera Leyòn, Somali, Soudan di Sid, Soudan, Siri, Tanzani, Togo, Tonga, Tirkmenistan, Venezyela, Yemen, Zanbi, ak Zimbabwe.

Pemi travay yo bay moun k ap chèche azil apre 4 desanm 2025 ap valab pou 18 mwa, olye de 5 an. Men, si ou te resevwa yon pemi travay pou 5 an nan dat 4 desanm 2025 oswa anvan sa, li toujou valab pou 5 an. Chanjman sa a aplikab tou pou kèk lòt imigran.

Gouvènman an ap mete fen nan anpil dosye nan tribinal imigrasyon san yon odyans konplè.

Gouvènman an sispann bay nouvo ekstansyon otomatik pou pemi travay. Men si ou te deja resevwa yon ekstansyon 540 jou nan dat 29 oktòb oswa anvan sa, ekstansyon ou an toujou valab! 

USCIS rann li pi difisil pou soumèt peman pa chèk oswa moni odè (money order). Gade enfòmasyon ki ajou sou fason pou fè peman pou nouvo aplikasyon yo.