Konsèy pou premye randevou w nan tribinal imigrasyon

Premye randevou w nan tribinal imigrasyon an rele yon premye randevou w nan tribinal (master calendar hearing). Men kèk bagay ou dwe konnen.

1. Tcheke dat tribinal ou chak semèn. 

Nou tande anpil rapò kote dat tribinal yo chanje bridsoukou san yo pa bay avi. Tcheke dat randevou w la chak semèn lè w rele 1-800-898-7180 oswa lè w vizite sit entènèt tribinal imigrasyon an. Sistèm nan ta dwe di w lè randevou w la, kote l ap fèt, epi si se an pèsòn oswa pa videyo. Si ou rate randevou w la, jij la ap gen anpil chans ba ou yon lòd depòtasyon (removal order). 

2. Rive omwen inèdtan edmi anvan lè a. 

Si randevou w la se an pèsòn, sa ka pran anpil tan pou w pase nan tcheke sekirite pou w antre nan bilding tribinal la, epi apre sa pou w jwenn bon sal tribinal la. Nan kèk ka, gouvènman an kòmanse pwograme anpil moun pou randevou nan menm lè a, donk koulwa yo ka gen anpil moun. Si ou rive anreta, yo ka make ou kòm absan epi ba ou yon lòd depòtasyon.

3. Pote dokiman enpòtan avèk ou.

• Si ou gen Avi pou paret nan tribinal (Notice to Appear) ou ak avi randevou ou, pote yo nan randevou a.

• Si ou te deja aplike pou yon estati imigrasyon nan USCIS, pote lèt USCIS voye ba ou pou fè w konnen yo te resevwa aplikasyon w lan (receipt notice) yo. 

• Si ou gen plan pou soumèt yon aplikasyon azil, pote orijinal la ak 2 kopi aplikasyon an.

• Si ou gen omwen 2 ane Ozetazini, pote prèv tankou dokiman ki montre dat ou te antre a, fich chèk travay, kontra lwaye apatman, oswa dosye lekòl oswa dosye medikal.

4. Ou ka bezwen mennen pitit ou yo. 

Si Avi pou paret nan tribinal (Notice to Appear) oswa avi pou randevou ou a gen non pitit ou yo sou li, ou sipoze mennen yo avèk ou nan premye randevou w nan tribinal (master calendar hearing). Men, nan randevou a, ou kapa b mande jij la si ou bezwen kontinye mennen yo nan randevou k ap vini yo. 

5. Koute enstriksyon yo epi pran nòt. 

Mennen papye ak yon plim pou pran nòt sou enfòmasyon enpòtan, tankou dat limit, jij la oswa lòt anplwaye tribinal la di ou. Yo ka rele non ak nimewo dosye anpil moun an menm tan pou yon randevou an gwoup, donk asire w ou rete toupre oswa anndan sal tribinal la epi byen koute. Si ou pa la lè yo rele w, ou kapa b resevwa yon lòd depòtasyon (removal order). 

6. Ou gen dwa pou mande azil. 

Si ou pè tounen nan peyi orijin ou, ou kapa b di sa. Gen kèk jij oswa avoka gouvènman ki ka eseye di w ou pa ta dwe mande azil. Men, ou gen dwa pou mande azil si ou kalifye, epi ou kapa b di jij la ou gen plan pou fè demann lan. Si ou di ou PA gen plan pou mande anyen, jij la ka fèmen dosye w la epi ba ou yon lòd depòtasyon. 

7. Ou kapa b prepare repons pou kesyon yo poze souvan. 

• Èske ou vle chanje kote tribinal ou a ye? Si ou deplase al rete lwen, jij la ka mande w si ou vle chanje tribinal ou a. Li enfòmasyon sou sa pou w konsidere. 

• Èske ou dakò ak enfòmasyon ki sou Avi pou paret nan tribinal ou a? Yon jij kapa b poze w kesyon sa a byen fò, oswa anplwaye tribinal la ka mande w pou ranpli yon dokiman yo rele "pleadings declaration." Reponn kesyon sou Avi pou paret nan tribinal ou a kapa b gen efè sou dosye w la. 

• Èske ou vle plis tan pou jwenn yon avoka oswa pou rasanble prèv? Plis tan kapa b ede w prepare yon pi bon dosye. Men si ou te deja mande azil, mande plis tan kapa b reta tan pemi travay la ap dire pou premye fwa a. 

8. Ou kapab poze pwòp kesyon pa ou. 

Si jij la prezan, randevou a se yon okazyon pou poze yo kesyon oswa fè demann. Si ou pa konprann yon bagay, ou kapab mande jij la pou li esplike w. Men kèk egzanp: 

• "Mwen bezwen yon entèprèt nan lang mwen" — ou gen dwa pou gen youn

• "Èske mwen kapab asiste randevou k ap vini yo pa videyo?"

• “Èske mwen bezwen mennen pitit mwen yo nan yon randevou k ap vini?”

• "Èske mwen kapab gen plis tan pou mwen jwenn yon avoka?" (Nòt: sa kapab retade premye pemi travay ou si ou te deja aplike pou azil)

Pou plis enfòmasyon sou tribinal imigrasyon, klike sou lyen sa a.