Ekri pa avoka imigrasyon ekspè ASAP yo · Mizajou nan dat
Dokiman sa a se yon Avi pou paret nan tribinal (Notice to Appear), yo rele tou Fòm I-862. Si ou resevwa yon NTA, sa vle di gouvènman ameriken an gen plan pou kòmanse yon dosye nan tribinal imigrasyon kont ou.
Nimewo alyen: Sou NTA a, ou kapa b jwenn nimewo alyen (A number) ou a, ki se yon nimewo idantifikasyon imigrasyon ki gen 8 oswa 9 chif ki kòmanse ak lèt A. Li make kòm “File No.” sou NTA a.
Dat Odyans: NTA ou a kapa b endike dat ak kote pwochen odyans ou nan tribinal imigrasyon an ap fèt. Oubyen, li kapa b pa endike sa. Nan nenpòt ka, pou w jwenn enfòmasyon ki ajou, ou ta dwe antre nimewo alyen ou sou sit entènèt tribinal imigrasyon sa a (gade fliyè sa a) oswa rele liy dirèk tribinal imigrasyon an nan 1-800-898-7180 (gade fliyè sa a).
Si NTA ou a gen yon dat odyans men odyans ou a pa parèt nan sistèm tribinal imigrasyon an, ou kapa b rele tribinal imigrasyon w lan pou verifye si ou gen yon odyans oswa si ou pa genyen.
Ou kapa b resevwa tou yon avi pou odyans nan lapòs ki gen kote ak dat pwochen odyans ou nan tribinal imigrasyon an.
Kit ou gen yon odyans ki pwograme deja oswa ou pa genyen, ou ta dwe tcheke sit entènèt ak liy dirèk tribinal imigrasyon an regilyèman pou wè si gen mizajou. Si ou vle kontinye ak dosye azil ou a, li enpòtan pou ou ale nan odyans ou yo nan tribinal! Si ou manke yon odyans, gen anpil chans pou ou resevwa yon lòd depòtasyon (removal order).
Ki kote pou w aplike pou azil: Pou w konnen ki kote pou w aplike pou azil, ou ta dwe antre nimewo alyen ou an premye sou sit entènèt sistèm tribinal imigrasyon sa a oswa rele liy dirèk tribinal imigrasyon an nan 1-800-898-7180.
Si enfòmasyon ou yo nan sistèm tribinal imigrasyon an, sa vle di dosye tribinal imigrasyon ou a kòmanse. Ou kapa b soumèt aplikasyon azil ou a nan tribinal imigrasyon. Ou ta dwe tcheke sistèm tribinal imigrasyon an regilyèman tou, paske dat pwochen odyans ou a kapa b chanje.
Si enfòmasyon ou yo pa nan sistèm tribinal imigrasyon an, sa vle di dosye tribinal imigrasyon ou a poko kòmanse. Ou kapa b soumèt aplikasyon azil ou a bay USCIS pito. Ou ta dwe tcheke sistèm tribinal imigrasyon an chak semèn tou — pafwa gouvènman ameriken an pran anpil tan pou l mete l ajou.
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon reyèl sou lwa imigrasyon aktyèl yo. Enfòmasyon sa yo pa konsèy legal.
Tout kontni legal ekri epi revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo admèt nan Bawo nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè prim pou travay legal yo.