Ekri pa avoka imigrasyon ekspè ASAP yo · Mizajou nan dat
Manm ASAP yo: Nou fyè pou nou kanpe bò kote nou. Tanpri li mizajou septanm nou an anba a.
Dènye Nouvèl
Gouvènman an voye imèl bay kèk moun k ap chèche azil pou di yo viza touris oswa viza biznis yo ka anile. Sa pa fèmen dosye azil ou a, epi sa pa vle di ou dwe kite peyi Etazini.
Li vin difisil pou ranvwaye entèvyou azil ak randevou byometrik (biometrics appointment) nan USCIS. Tanpri eseye ale nan randevou a nan jou yo te planifye a si ou kapab.
Gras ak manm ASAP yo, anpil pemi travay pou moun ki gen Estati Pwoteksyon Tanporè (TPS) ki soti El Salvador, Soudan, ak Ikrèn te pwolonje!
Anpil moun te peye frè azil pou peye chak ane (annual asylum fee) yo nan tribinal imigrasyon nan mwa septanm oswa oktòb 2025. Peye l ankò anvan yon ane pase, epi voye prèv la bay tribinal la.
Si dosye azil ou a nan apèl, Komisyon Apèl Imigrasyon (BIA) ka ba ou lòd pou peye frè azil pou peye chak ane BIA a. Men ou pa bezwen tann lòd la. Ou ka peye kounye a.
Si ou te rate dat limit pou peye frè azil pou peye chak ane USCIS ou a, ou ta dwe kapab peye l kounye a. Sa posib gras ak viktwa manm ASAP yo te genyen nan tribinal!
Detansyon nan ayewopò ap kontinye, menm pou moun ki gen pemi travay.
Gade yon videyo sou kijan pou jwenn yon moun ki nan detansyon.
TPS fini kounye a pou peyi Letiopi ak Somali. Li tout mizajou sou TPS yo.
Pwosesis premye pemi travay pou moun k ap chèche azil yo ap vin pi dousman. Men gras ak viktwa manm ASAP yo, pifò premye pemi travay yo toujou ap trete nan yon delè 30 jou.
Li plis enfòmasyon sou kijan lwa yo ap chanje. Paj sa a te mete ajou ak enfòmasyon sou vwayaje nan peyi Etazini, politik ki afekte imigran ki soti nan 40 peyi, ak plis ankò.
Resous pou Manm yo
Èske ou gen yon kesyon sou dosye imigrasyon ou? Voye kesyon ou an nan [email protected] epi avoka ASAP yo ap reponn ou!
Chèche yon avoka ak lòt sèvis.
Li repons pou plis pase 100 kesyon imigrasyon ki komen.
Gade videyo sou azil, pemi travay, ak plis ankò.
Chèche kat manm ASAP ou an.
Èske w ap resevwa mizajou sa yo nan move lang oswa nan move imèl oswa nimewo telefòn? Ranpli fòm sa a pou w mete enfòmasyon kontak ou ajou, pou w chanje lang ou an Anglè oswa Panyòl, oswa pou w anile manm ASAP ou.
Ou kapab wè mizajou anvan yo pou manm ASAP yo isit la.
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon ki baze sou reyalite sou lwa imigrasyon aktyèl yo. Enfòmasyon sa a se pa konsèy legal.
Tout kontni legal se ekip avoka ekspè nan imigrasyon ASAP yo ki ekri li epi ki revize li legalman. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo admèt nan Baro nan plizyè eta Ozetazini, yo gen diplòm lalwa nan inivèsite tankou Harvard, Yale, ak UCLA, epi yo genyen plizyè prim pou travay legal yo.