Ekri pa avoka imigrasyon ekspè ASAP yo · Mizajou nan dat
Chak timoun Ozetazini gen dwa pou yo resevwa edikasyon piblik gratis kèlkeswa estati imigrasyon yo.
Èske pitit mwen kapa b ale lekòl si n ap chèche azil?
Wi! Chak timoun Ozetazini gen dwa pou yo resevwa edikasyon piblik gratis kèlkeswa estati imigrasyon yo. Ou menm ak pitit ou PA ta dwe bezwen montre prèv estati imigrasyon pou nou enskri nan lekòl piblik.
Men, ou ka bezwen montre lòt enfòmasyon, tankou prèv kote w ap viv oswa enfòmasyon sou istwa medikal oswa istwa lekòl pitit ou. Lekòl la ka mande tou si ou menm oswa pitit ou gen yon nimewo social security (SSN), men ou pa bezwen montre youn. Li fliyè sa a pou plis enfòmasyon (dezyèm paj la se an anglè).
Nan ki laj timoun ka ale lekòl gratis?
Ozetazini, lekòl piblik gratis kòmanse vè laj 5 oswa 6 an, epi li fini vè laj 18 an. Genyen tou opsyon lekòl prive ki peye.
Tout timoun Ozetazini oblije ale nan yon fòm lekòl jiskaske yo rive nan yon sèten laj. Laj egzak la depann de chak eta espesifik, men an jeneral se laj 18 an.
Anba la a se yon rezime nivo jeneral nan sistèm edikasyon Ozetazini jiska laj 18 an:
Preshool (edikasyon timoun piti): vè laj 2-5 an
Lekòl elemantè (klas K-5): vè laj 5-10 an
Lekòl mwayen (klas 6-8): vè laj 11-13 an
Lekòl segondè (klas 9-12): vè laj 14-18 an
Ou ka jwenn plis enfòmasyon sou sistèm edikasyon Ozetazini sou paj entènèt an sa a.
Kouman mwen kapa b jwenn plis enfòmasyon sou fason pou m enskri pitit mwen lekòl?
Mete adrès ou sou sit entènèt sa a pou w jwenn lekòl piblik nan zòn ou an. Ou ka rele lekòl la pou plis enfòmasyon sou fason pou w enskri pitit ou.
Mete adrès ou sou sit entènèt sa a pou w konnen si gen yon sant Head Start toupre w pou timoun ki gen mwens pase 5 an.
Chèche òganizasyon kominotè nan zòn ou an pou mande èd.
Vizite sit entènèt sa a pou w jwenn resous jeneral sou edikasyon piblik.
Ki opsyon edikasyon ki genyen pou moun ki gen plis pase 18 an?
Diplòm lekòl segondè: Gen kèk lekòl segondè piblik ki ofri pwogram gratis pou elèv ki gen plis pase 18 an pou yo resevwa yon diplòm lekòl segondè Ozetazini. Gen kèk nan pwogram sa yo ki fèt espesyalman pou elèv ki fèk rive Ozetazini. Genyen tou egzam pou granmoun ki ekivalan ak yon diplòm lekòl segondè Ozetazini. Tcheke avèk yon òganizasyon lokal oswa yon lekòl pou w konnen ki posiblite ki genyen toupre lakay ou.
Kolèj ak inivèsite: Gen kèk moun ki deside aplike nan kolèj oswa inivèsite pou yo kontinye edikasyon yo. An jeneral, kolèj ak inivèsite Ozetazini koute chè, epi li ka difisil pou elèv ki pa gen estati imigrasyon pou yo resevwa asistans finansye. Ou kapa b vizite paj entènèt sa a pou w aprann plis epi jwenn resous.
Klas Anglè: Genyen tou anpil klas pou moun ki enterese aprann oswa amelyore nivo Anglè yo. Anpil nan pwogram sa yo gratis epi yo ofri yo nan bibliyotèk lokal oswa sant kominotè. Ou kapa b vizite tou paj entènèt sa a pou w jwenn klas sou entènèt.
Pou w aprann plis sou opsyon edikasyon pou granmoun, vizite paj entènèt sa a.
Lòt Sijè
Klike sou lyen ki anba yo pou w aprann plis sou:
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo se pa konsèy legal.
Tout kontni legal se ekip avoka ekspè nan imigrasyon ASAP la ki ekri li epi ki revize li legalman. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo admèt nan Bawo nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo.