Se avoka ekspè nan imigrasyon ASAP yo ki ekri sa · Mizajou fèt nan dat
Chak eta Ozetazini gen règleman diferan sou ki asistans moun k ap chèche azil yo kapab resevwa nan men gouvènman an. Sa kapab gen ladan l benefis tankou sipò pou lojman, sipò finansye, sipò pou manje, ak sipò pou fanm ansent, tibebe, ak timoun piti. Pou kèk benefis, si ou gen timoun ki sitwayen ameriken, ou kapab resevwa benefis pou yo, kèlkeswa pwòp estati imigrasyon pa ou.
Depi ou di laverite lè w ap ranpli fòm aplikasyon yo, aplike pou benefis gouvènman an pa gen efè sou dosye azil ou a. Règleman “chaj piblik” ki afekte kèk kalite dosye imigrasyon pa aplikab pou azil.
Kouman mwen kapab jwenn enfòmasyon sou asistans ki disponib nan eta oswa vil kote m ap viv la?
Ou kapab chèche òganizasyon kominotè oswa avoka imigrasyon nan zòn ou an pou mande èd. Yo kapab ofri w asistans, oswa yo kapab ede w konprann pou ki benefis gouvènman ou elijib.
Nan anpil zòn Ozetazini, ou kapab rele nimewo telefòn 211 tou epi pale ak yon espesyalis sou ki benefis gouvènman ou kapab aplike pou yo.
Èske resevwa asistans gouvènman an ap afekte dosye azil mwen an?
Non! Resevwa asistans nan men gouvènman ameriken an pa afekte dosye azil ou a. Resevwa asistans gouvènman an (yo rele tou benefis piblik) pa afekte kapasite w pou aplike pou yon kat rezidan pèmanan baze sou azil nan lavni non plis.
Èske resevwa asistans gouvènman an ap afekte dosye m si m ap aplike pou yon lòt estati imigrasyon apa azil? Èske y ap konsidere sa kòm yon “chaj piblik”?
Petèt. Si w ap aplike pou yon lòt estati imigrasyon ki pa azil, tankou yon kat rezidan pèmanan baze sou fanmi, li posib pou itilizasyon kèk kalite asistans gouvènman an afekte dosye imigrasyon w lan. Sa a se sa yo rele règleman “chaj piblik” la.
Men, se sèlman kalite asistans gouvènman ki trè presi ki kapab afekte dosye imigrasyon w lan, epi anpil imigran pa menm elijib pou resevwa kalite asistans sa yo. Sèl kalite asistans gouvènman (benefis piblik) ki kapab afekte dosye imigrasyon w lan se:
Asistans kach dirèk atravè pwogram gouvènman yo rele Supplemental Security Income (SSI), Temporary Assistance for Needy Families (TANF), ak General Assistance (GA).
Medicaid pou swen medikal alontèm nan yon mezon retrèt, lopital sikyatrik, oswa lòt enstitisyon.
Vizite paj sa a oswa paj sa a ki soti nan lòt òganizasyon pou w jwenn plis detay sou règleman chaj piblik la ak sou ki moun li gen efè. Ou kapab jwenn èd legal tou.
Sijè Espesifik
Klike sou lyen ki anba yo pou w aprann plis sou:
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo se pa konsèy legal.
Tout kontni legal se ekip avoka ekspè nan imigrasyon ASAP yo ki ekri yo epi ki revize yo legalman. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn dosye. Avoka nou yo admèt nan Bawo nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo.