Asistans Manje pou Moun k ap Chèche Azil

Gen diferan pwogram toupatou nan peyi Etazini ki ede moun jwenn manje lè yo pa gen mwayen pou yo achte l. Genyen ki se pwogram gouvènman, epi genyen ki pa sa. Sipò ou kapa b resevwa a varye selon estati imigrasyon w ak kote w ap viv. Jwenn èd pou manje pa ta dwe afekte dosye azil ou.

Èd manje jeneral

• Nan anpil kote atravè peyi Etazini, ou kapab jwenn èd pou jwenn manje atravè pwogram tankou òganizasyon san bi likratif, gwoup kominotè, ak enstitisyon relijye. Yo rele pwogram sa yo pafwa bank manje, depo manje, oswa kantin popilè epi jeneralman se pa gouvènman an ki jere yo.

• Vizite paj sa a oswa paj sa a pou chèche èd manje toupre bò lakay ou!

• Èske moun k ap chèche azil yo kapab sèvi ak sèvis sa yo? Pwobabman. An jeneral, depo manje ak sèvis ki sanble ak yo disponib pou nenpòt moun ki nan bezwen. Chak kote diferan epi ou ta dwe kapab rele oswa tcheke sou entènèt pou w konnen kondisyon espesifik yo.

Èd pou manman, tibebe, ak timoun

• Gouvènman ameriken an gen yon pwogram nasyonal ki rele Pwogram Nitrisyon Siplemantè Espesyal pou Fanm, Tibebe, ak Timoun (“WIC”). Pwogram sa a ede fanm ansent, fanm k ap bay tete, tibebe, ak timoun ki gen mwens pase 5 an jwenn manje.

• Anpil lekòl piblik ofri tou manje gratis oswa a bon pri pou timoun nan lekòl la.

• Èske moun k ap chèche azil yo kapab aplike pou WIC? Wi. Ou kapab aplike pou WIC kèlkeswa estati imigrasyon w. Vizite sit entènèt gouvènman sa a pou w konnen si ou ta ka elijib pou WIC.

• Èske moun k ap chèche azil yo kapab aplike pou manje lekòl gratis oswa a bon pri? Wi. Ou kapab aplike pou manje gratis oswa a bon pri pou pitit ou nan lekòl piblik kèlkeswa estati imigrasyon fanmi w.

Bons manje

• Gouvènman Etazini an gen yon pwogram nasyonal ki rele Supplemental Nutrition Assistance Program (“SNAP”), yo konnen tou kòm “EBT,” oswa “bons manje.” Pwogram sa a ede moun achte manje si yo pa gen mwayen pou sa. Gen kèk eta nan peyi Etazini ki gen pwogram menm jan an tou ke eta a jere.

• Èske moun k ap chèche azil yo ka aplike pou SNAP nasyonal? An jeneral, non. Moun k ap chèche azil yo pa elijib pou bons manje atravè pwogram SNAP nasyonal la. Ou ka aprann plis sou règ espesifik yo sou paj entènèt gouvènman sa a. Men, si ou gen pitit ki sitwayen ameriken, ou ka kapab resevwa benefis pou yo.

• Èske moun k ap chèche azil yo ka aplike pou pwogram eta a ki sanble ak SNAP? Pifò eta yo pa pèmèt moun k ap chèche azil yo aplike pou bons manje non plis, sof si yo gen yon lòt estati imigrasyon tou. Men, depi ane 2023, gen kèk moun k ap chèche azil k ap viv nan eta Washington ki ka aplike pou bons manje atravè pwogram eta yo a. Pou plis enfòmasyon, klike sou lyen sa a.

Lòt Sijè

Klike sou lyen ki anba yo pou w ka aprann plis sou:

• Lisans Chofè

• Lekòl

• Swen Sante

• Lòt Benefis Gouvènman an