Ekri pa avoka imigrasyon ekspè ASAP yo · Mizajou nan dat
Dokiman sa a se yon “Lòd yon jij ba y pou lage yon moun pwovizwaman pandan dosye l ap kontinye (Order of Release on Recognizance),” yo rele tou Fòm I-220A. Gouvènman ameriken an bay kèk moun dokiman sa a apre yo te fin nan detansyon epi ofisyèl imigrasyon yo lage yo. Fòm sa a an jeneral gen ladan l kèk egzijans ak kondisyon an echanj pou yo lage w nan detansyon, tankou ale nan odyans nan tribinal imigrasyon.
Fòm sa a ta dwe di w ki lè ak ki kote ou dwe ale pou randevou pou prezante nan yon biwo ICE (check-in appointment). Si ou vle chanje randevou pou prezante nan yon biwo ICE ou a, ou kapab konsidere fè etap sa yo.
Si ou te resevwa dokiman sa a, li posib pou ou gen yon dosye nan tribinal imigrasyon. Dokiman an ta dwe genyen nimewo alyen (A number) ou a. Ou kapab sèvi ak nimewo alyen ou a pou tcheke estati dosye w nan tribinal imigrasyon. Si ou deplase, ou kapab chanje adrès ou nan sistèm gouvènman an.
Si ou soti Kiba epi ou te resevwa dokiman sa a apre ou fin antre Ozetazini, ou ka vle pale ak yon avoka pou konnen si ou kalifye pou Lwa Ajisteman Kiben an. Chèche asistans legal.
ASAP (Pwojè ki an Defans pou Moun k ap Chèche Azil) gen kòm objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo se pa konsèy legal.
Tout kontni legal yo ekri epi revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo gen lisans pou pratike lalwa nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.