Ekri pa avoka imigrasyon ekspè ASAP yo · Mizajou
Gouvènman an di moun k ap chèche azil yo dwe mete adrès yo ajou ak gouvènman an lè yo deplase. Si ou vle kontinye ak dosye azil ou a epi resevwa dokiman pa lapòs, li enpòtan pou ou mete adrès ou ajou. Konsa, gouvènman an ap gen adrès kòrèk ou epi l ap kapab voye dokiman enpòtan ba ou nan lapòs tankou avi pou randevou nan tribinal oswa entèvyou, oswa kat pemi travay ou.
Chak ajans imigrasyon gen yon pwosesis separe pou mete adrès ou ajou.
U.S. Citizenship and Immigration Services (USCIS). Si ou te soumèt yon aplikasyon pou azil, pemi travay, oswa yon lòt aplikasyon bay USCIS:
Ou kapab mete adrès ou ajou atravè yon kont USCIS (USCIS account) sou entènèt oswa pa lapòs.
Jwenn plis enstriksyon isit la.
Tribinal imigrasyon. Si ou gen yon dosye nan tribinal imigrasyon:
Ou kapab mete adrès ou ajou sou entènèt sou sit entènèt tribinal imigrasyon sa a. Pou enstriksyon sou kijan pou ranpli fòm nan, gade videyo sa a. Oswa jwenn plis opsyon.
Si ou deplase byen lwen, ou ka swete tou soumèt yon Motion to Change Venue pou mande pou yo transfere dosye w la nan yon tribinal ki pi pre w. Sa a se yon chwa ou genyen.
Si ou pa sèten si ou gen yon dosye nan tribinal imigrasyon, li plis isit la.
Komisyon Apèl Imigrasyon (BIA). Si ou te fè apèl nan BIA apre yon jij imigrasyon te refize dosye w la:
Ou kapab mete adrès ou ajou sou entènèt sou sit entènèt BIA sa a.
Jwenn plis opsyon isit la.
ICE oswa ISAP. Si ou gen randevou pou prezante nan yon biwo ICE (ICE check-in) oswa ISAP:
Ou kapab mete adrès ou ajou an pèsòn pandan pwochen randevou w la, lè w sèvi ak zouti sou entènèt pou mete adrès ou ajou ak ICE, oswa nan telefòn nan 833-383-1465.
Si ou vle kontinye pouswiv dosye imigrasyon w lan, ICE ka di w pou w jwenn pèmisyon anvan w deplase. Li plis enfòmasyon isit la.
Si ou se yon manm ASAP, ou PA bezwen chanje adrès ou ak ASAP. ASAP (Pwojè ki an Defans pou Moun k ap Chèche Azil) se yon òganizasyon san bi likratif epi li pa fè pati gouvènman Ameriken an.
ASAP (Pwojè ki an Defans pou Moun k ap Chèche Azil) vize bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo se pa konsèy legal.
Tout kontni legal ekri epi revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak litij. Ansanm, yo genyen plizyè santèn ka. Avoka nou yo admèt nan Baro nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè prim pou travay legal yo.