Ekri pa avoka imigrasyon ekspè ASAP yo · Mizajou nan dat
Dokiman sa a se yon lèt USCIS voye ba ou pou fè w konnen yo te resevwa aplikasyon w lan (receipt notice) nan men Sèvis Sitwayènte ak Imigrasyon Etazini (USCIS) ki konfime yo resevwa aplikasyon azil ou a (Fòm I-589). Lèt konfimasyon w lan ka parèt yon ti jan diferan selon ki lè ak ki jan ou te soumèt aplikasyon azil ou a. Gade yon ansyen vèsyon isit la.
Lèt konfimasyon an montre nimewo resi w la, ou kapa b itilize pou w tcheke estati aplikasyon w lan sou sit entènèt USCIS sa a.
Lèt konfimasyon an montre tou dat USCIS te resevwa aplikasyon w lan, ki make kòm “Received Date.” An jeneral, ou kapa b aplike pou yon pemi travay 150 jou apre “Received Date” la.
Avi sa a montre tou kantite lajan ou te peye pou w depoze aplikasyon azil ou a, yo rele frè azil inisyal. Avi sa a se prèv ou genyen ki montre ou te peye frè sa a.
Avi a gen ladan l tou enfòmasyon sou frè anyèl gouvènman an chaje pou chak ane dosye azil ou a rete ouvè. Pou plis enfòmasyon, klike sou lyen sa a konsènan frè azil pou peye chak ane (annual asylum fee).
Si ou te soumèt yon aplikasyon azil bay USCIS epi ou pa t resevwa yon lèt konfimasyon, pou plis enfòmasyon sou etap ou kapa b pran, klike sou lyen sa a.
Pou plis enfòmasyon, klike sou lyen sa a konsènan pwosesis pou chèche azil ak USCIS.
ASAP (Pwojè ki an Defans pou Moun k ap Chèche Azil) gen kòm objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo pa konsèy legal.
Tout kontni legal yo ekri epi revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo gen lisans pou pratike lalwa nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.