Ekri pa avoka imigrasyon ekspè ASAP yo · Mizajou nan dat
Sa a se yon lèt USCIS voye ba ou pou fè w konnen yo te resevwa aplikasyon w lan (receipt notice) nan men Sèvis Sitwayènte ak Imigrasyon Etazini (USCIS) pou yon aplikasyon pou yon pemi travay ki baze sou Estati Pwoteksyon Tanporè (TPS). Ou kapab sèvi ak nimewo resi a pou tcheke estati aplikasyon w lan.
Ekstansyon otomatik 540 jou: Si ou te aplike pou renouvle pemi travay ou anvan 30 oktòb 2025 epi pandan peryòd re-enskripsyon TPS ou a, epi resi pemi travay ou a montre ekstansyon 540 jou a, alò pemi travay ou a ta dwe pwolonje otomatikman pou 540 jou apre dat ekspirasyon ki enprime sou kat la. Pa egzanp, moun ki gen TPS ki soti nan peyi El Salvador, Soudan, ak Ikrèn ki te aplike pou renouvle pemi travay yo anvan 30 oktòb 2025 epi ki poko resevwa yon nouvo pemi travay ta dwe kalifye pou ekstansyon otomatik 540 jou sa a. Gade 8 C.F.R. 274a.13(d); 90 Fed. Reg. 48,799 nan 48,811-12.
Ou kapab jwenn enfòmasyon espesifik pou TPS El Salvador sou paj entènèt an sa a (klike sou “FAQ on Employment Authorization for El Salvadoran TPS holders”). Moun ki gen TPS ki soti El Salvador kapab bay anplwayè w la lèt sa a ki soti nan National TPS Alliance. Selon kilè ou te soumèt aplikasyon pemi travay ou a, lèt resi w la ka parèt diferan. Pou plis enfòmasyon sou pemi travay ki baze sou TPS, klike sou lyen sa a. Pou plis enfòmasyon sou TPS, klike sou lyen sa a.
ASAP (Pwojè ki an Defans pou Moun k ap Chèche Azil) gen kòm objektif pou bay enfòmasyon ki kòrèk sou lwa imigrasyon aktyèl yo. Enfòmasyon sa yo se pa konsèy legal.
Tout kontni legal se ekip avoka imigrasyon ekspè ASAP yo ki ekri epi revize yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo gen lisans pou pratike (Bar) nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.