Ekri pa avoka imigrasyon ekspè ASAP yo · Mizajou nan dat
Dokiman sa a se yon lèt USCIS voye ba ou pou fè w konnen yo te resevwa aplikasyon w lan (receipt notice) ki fè w konnen USCIS resevwa aplikasyon ou te fè sou entènèt pou pemi travay ou baze sou yon aplikasyon azil ki annatant (kategori (c)(8)). Ou kapab sèvi ak nimewo resi a pou tcheke estati aplikasyon w lan isit la.
Sa depann de ki lè ak ki jan ou te soumèt aplikasyon pemi travay ou a, receipt notice ou a ka parèt yon ti jan diferan. Ou kapab wè yon egzanp receipt notice pou yon aplikasyon pemi travay ki te voye pa lapòs isit la.
Si ou pa t resevwa yon receipt notice pou pemi travay, aprann ki etap ou kapab pran.
Adrès ki make anba non w lan se adrès kote yo pral voye pemi travay ou a. Ou kapab mete adrès ou ajou si li chanje.
Èske w ap renouvle pemi travay ou kòm yon moun k ap chèche azil? Pemi travay ou a pwolonje otomatikman pou 540 jou si USCIS te resevwa aplikasyon pou renouvèlman pemi travay ou a anvan 30 oktòb 2025, epi nan dat oswa anvan dat ekspirasyon ki ekri sou kat pemi travay ou genyen kounye a. Receipt notice sa a se prèv pwolongasyon an. Sa a se verite menm si receipt notice ou a di pemi travay ou a pwolonje pou sèlman 180 jou. Dapre USCIS, ou kapab montre patwon w lan receipt notice ou a, kat pemi travay ou genyen kounye a, ak paj entènèt an (webpage) USCIS sa a kòm prèv pwolongasyon 540 jou a. Pou plis enfòmasyon sou pwolongasyon pemi travay la, klike isit la.
Pou plis enfòmasyon sou pemi travay, klike isit la.
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon ki kòrèk sou lwa imigrasyon aktyèl yo. Enfòmasyon sa yo pa konsèy legal.
Tout kontni legal yo ekri epi yo revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo admèt nan Baro nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè prim pou travay legal yo.