Vini yon Manm
ASAP (Pwojè ki an Defans pou Moun k ap Chèche Azil) akeyi nouvo manm ki se imigran Ozetazini ki gen laj 14 an oswa plis. Manm yo aprann kijan pou yo aplike pou azil ak pemi travay, yo resevwa dènye nouvèl yo, yo poze avoka imigrasyon ekspè kesyon, epi yo mete tèt yo ansanm pou bati yon peyi Etazini ki pi akeyan. Manm ak sèvis ASAP yo gratis.
Solicitud de Membresía (Español)
Ou pa yon imigran? Ou kapab enskri pou bilten nouvèl jeneral ASAP la isit la!
Wè Kat Manm Mwen
Sèvi ak nimewo idantite manm ou pou w jwenn aksè ak kat manm ou. Si w gen pwoblèm, tanpri voye yon imèl ba nou nan [email protected].
Mete Enfòmasyon Mwen yo a Jou
Si yo te deja apwouve manm ASAP ou a epi (1) non ki sou kat manm ou an pa kòrèk OUBYEN (2) ou ta renmen mete enfòmasyon kontak ou yo a jou, tanpri ranpli sondaj sa a.
Poze Avoka Ekspè Kesyon
Si ou se yon manm ASAP epi ou gen yon kesyon sou dosye azil ou, ou kapab voye kesyon ou an nan imèl bay [email protected]. Tanpri mete nimewo idantite manm ASAP ou a nan imèl la si ou kapab. Ekip avoka imigrasyon ekspè nou an pral reponn ou. Pou plis enfòmasyon, klike sou lyen sa.
Avantaj pou w Manm ASAP
Lè ou vin yon manm ASAP, sa ba ou opòtinite pou: (1) jwenn aksè ak resous legal ak enfòmasyon sou pwosesis azil la, (2) poze avoka imigrasyon ekspè kesyon, epi (3) travay ak lòt manm ASAP pou amelyore sistèm azil la.
(1) Manm ASAP yo jwenn aksè ak resous legal sou pwosesis azil la ke moun gade plizyè milye fwa chak mwa.
ASAP voye resous bay manm yo regilyèman sou pwosesis azil la pa mesaj tèks ak pa imèl. Resous videyo ak resous ekri ASAP yo, ke moun kapab gade sou yon telefòn selilè, ede manm yo aprann enfòmasyon enpòtan sou pwosesis azil la. Lè yo enskri pou yo vin manm ASAP, imigran yo jwenn aksè ak nouvo resous kou yo pibliye yo.
Gen yon manm ki te pataje: “Navige sou paj entènèt an nou an pandan kèk jou ki sot pase yo te ban nou anpil enfòmasyon epi sa ki pi enpòtan an — espwa.”
Yon lòt manm te ekri: “Gras ak enstriksyon nou yo, mwen te ranpli aplikasyon pemi travay mwen an epi yo te apwouve li!”
(2) Manm ASAP yo gen opòtinite pou yo poze avoka imigrasyon ekspè kesyon.
Manm ASAP yo kapab poze kesyon epi ekip avoka imigrasyon ekspè nou an ap reponn yo. Avoka sa yo te reponn plizyè milye kesyon manm ASAP yo, tankou kesyon sou kijan pou chèche azil ak USCIS, kijan pou chèche azil nan tribinal imigrasyon, kijan pou aplike pou yon pemi travay, ak plis ankò.
Si ou se yon manm ASAP epi ou gen yon kesyon sou dosye azil ou, ou kapab voye kesyon ou an nan imèl bay [email protected]. Tanpri mete nimewo idantite manm ASAP ou a nan imèl la si ou kapab.
Apre li te fin resevwa yon repons nan men youn nan avoka imigrasyon ekspè ASAP yo, yon manm te ekri: “Mèsi anpil pou èd nou! Imèl nou an te ede m jwenn tout enfòmasyon ki nesesè pou yon chanjman adrès, epi mwen te rive chanje adrès nou avèk siksè pou tout moun nan fanmi nou.”
(3) Manm ASAP yo fikse priyorite ASAP yo epi yo travay ansanm pou amelyore sistèm imigrasyon an.
Manm ASAP yo vote ansanm pou fikse priyorite ASAP epi gide travay ASAP ap fè. Pa egzanp, nou te mande manm ASAP yo pou yo pataje lide yo sou fason pou amelyore pwosesis azil la, epi dè milye manm te reponn! Lide sa yo gide desizyon ASAP kounye a sou ki pwoblèm pou nou konsantre nan efò n ap fè pou fè sistèm imigrasyon an travay pi byen pou tout moun.
Manm ASAP yo resevwa opòtinite tou pou yo travay ansanm pou rezoud pwoblèm espesifik. Pa egzanp, nan ane 2020, dè milye manm ASAP te mete tèt yo ansanm pou konteste nouvo règleman ki te rann li pi difisil pou moun k ap chèche azil yo jwenn pemi travay. Plizyè santèn milye moun k ap chèche azil te kapab resevwa pemi travay kòm rezilta efò manm yo.
Finalman, manm ASAP yo resevwa opòtinite tou pou yo fè tande vwa yo. Manm ASAP yo te pale ak medya nasyonal yo ak gwo ofisyèl nan gouvènman ameriken an sou sijè tankou aksè ak pemi travay.
Kesyon yo poze souvan
Kiyès ki ka aplike pou vin manm ASAP?
ASAP (Pwojè ki an Defans pou Moun k ap Chèche Azil) akeyi nouvo manm ki se imigran Ozetazini, ki gen laj 14 an oswa plis, ki kwè nan misyon ASAP la.
Èske yon moun ki gen mwens pase 14 an ka aplike pou l vin manm ASAP?
Non. ASAP pa aksepte aplikasyon pou vin manm pou moun ki gen mwens pase 14 an. Men, si ou se yon manm ASAP, avantaj ou yo pwolonje bay pitit ou yo ki minè Ozetazini.
Kouman mwen kapa b aplike pou vin manm ASAP?
Tanpri ranpli aplikasyon pou vin manm nou an sou entènèt! Ou ka ranpli aplikasyon pou vin manm nan sou yon telefòn oswa yon òdinatè.
Apre nou fin egzamine aplikasyon w lan, n ap voye rezilta yo ba ou pa mesaj tèks nan nimewo telefòn ou te bay nan aplikasyon w lan. Egzamen an ka pran jiska 1 senmenn.
Si mwen vin manm ASAP, èske ASAP ap vin avoka imigrasyon mwen?
Non. Lefètke ou manm nan pa vle di ASAP se avoka w. Nou ankouraje tout manm nou yo pou yo chèche yon avoka imigrasyon endepandan si sa posib. Ou ka aprann kijan pou jwenn èd legal sou paj sa a.
Èske sa koute lajan pou vin manm ASAP?
Non. Vin manm ASAP se konplètman gratis epi se sou baz volontè, epi pa gen okenn frè yo mande pou soumèt aplikasyon pou vin manm ASAP oswa pou kenbe estati manm ASAP ou.
Si nenpòt moun di yo travay pou ASAP epi yo mande w lajan an echanj pou sèvis imigrasyon, yo pa di laverite. Yo pa travay pou ASAP.
Si mwen vin manm ASAP, èske ASAP ap pataje enfòmasyon mwen yo ak gouvènman an oswa ak lòt moun?
Non. ASAP kenbe enfòmasyon pèsonèl manm yo konfidansyèl epi li pa pataje enfòmasyon sou manm yo san pèmisyon. Gade règleman sou konfidansyalite nou an isit la.
Èske mwen kapa b pale ak yon moun nan ASAP nan telefòn?
Malerezman, akòz yon kantite demann ki trè wo, nou pa gen kapasite pou nou kominike nan telefòn. Tanpri vizite paj resous nou an pou enfòmasyon ki ka itil. Oubyen, voye kesyon ou yo nan imèl bay [email protected].
Kisa mwen ta dwe fè si mwen pa ka jwenn ID manm mwen an?
Lè ou te antre nan ASAP, ou te dwe resevwa yon mesaj tèks ak ID manm ou. Eseye chèche mesaj tèks ki soti nan nimewo telefòn ASAP la, 91771, pou jwenn li. Si ou toujou pa ka jwenn ID manm ou, tanpri voye yon imèl ba nou nan [email protected].