Ekri pa avoka imigrasyon ekspè ASAP yo · Mizajou nan dat
Èske se pa kote ou rete a? Chèche yon lòt eta.
Men kèk enfòmasyon enpòtan:
Moun k ap chèche azil ki gen yon pemi travay ki valid kapab jwenn yon lisans chofè estanda nan Michigan! Lisans chofè sa yo pa satisfè egzijans REAL ID yo. Pou plis enfòmasyon sou egzijans yo, li pi ba a.
Si ou gen yon lòt kalite pemi travay oswa yon lòt kalite estati imigrasyon, ou kapa b elijib pou yon lisans chofè nan Michigan. Pou plis enfòmasyon sou règleman yo, klike sou lyen sa a pou ale sou sit entènèt Michigan an, oswa chèche yon òganizasyon lokal pou mande èd.
Si ou pa gen okenn kalite estati imigrasyon, malerezman ou pa elijib pou yon lisans chofè nan Michigan.
Nan pifò eta yo, pou ou resevwa yon lisans chofè, ou bezwen: pase yon egzamen ekri, pase yon egzamen kondwi, pase yon egzamen vizyon, peye yon frè, epi pote dokiman pou montre ou elijib.
Lisans chofè pou moun k ap chèche azil ki gen pemi travay
Moun k ap chèche azil ki gen pemi travay ki valid elijib pou lisans chofè nan Michigan!
W ap bezwen:
yon pemi travay ki valid
yon lòt dokiman idantite, pa egzanp:
yon paspò OUBYEN
lòt dokiman legal ki montre non ou, tankou yon ak maryaj, yon dekrè divòs, oswa dokiman imigrasyon tankou yon lèt USCIS voye ba ou pou fè w konnen yo te resevwa aplikasyon w lan (receipt notice).
yon kat nimewo social security (SSN)
2 dokiman pou montre adrès lakay ou nan Michigan
Pou plis enfòmasyon sou egzijans ak frè yo, klike sou lyen sa a pou Michigan.
Èske mwen ta dwe pote lòt dokiman imigrasyon ki pa nan lis ki anwo a?
Anplis kat pemi travay ou a, li kapa b itil pou w pote prèv ki montre aplikasyon azil ou a toujou annatant – pa egzanp, lèt USCIS voye ba ou pou fè w konnen yo te resevwa aplikasyon w lan (receipt notice) pou aplikasyon azil ou a oswa yon avi pou yon randevou k ap vini nan tribinal imigrasyon.
Si ou te aplike pou renouvle pemi travay ou, ou kapa b pote receipt notice pou aplikasyon renouvèlman w lan tou. Si ou te aplike pou renouvle pemi travay ou anvan kat ou genyen kounye a te ekspire, receipt notice ou a se yon prèv ki montre pemi travay ou toujou valab pou 540 jou apre dat ekspirasyon ki ekri sou li a.
Ki dokiman mwen ta dwe pote pou montre adrès lakay mwen nan eta a?
Pou pwouve ou rete nan eta a, w ap bezwen pote dokiman ofisyèl ki montre adrès lakay ou ak non konplè ou. Kèk egzanp komen gen ladan bòdwo sèvis piblik resan (tankou yon bòdwo elektrisite), kontra lwaye, ak dosye lekòl ofisyèl.
Anjeneral, se yon bon lide pou w pote plizyè dokiman diferan avèk ou, nan ka yo pa ta aksepte kèk ladan yo.
Ki kote pou m ale pou m aplike pou yon lisans chofè?
Biwo kote w aplike pou yon lisans chofè a anjeneral rele “Department of Motor Vehicles,” oswa “DMV,” men li kapa b gen yon non ki yon ti jan diferan tou. Tape non eta w la ak “Department of Motor Vehicles” nan yon navigatè entènèt tankou Google pou w jwenn kote yo ye ak enfòmasyon ki pi resan yo.
E si mwen pote tout dokiman mwen bezwen yo men yo di m mwen pa kapa b jwenn yon lisans chofè?
Si ou se yon moun k ap chèche azil ki gen yon pemi travay valab epi ou gen tout dokiman yo mande yo, nou rekòmande pou w eseye ankò. Ou kapa b eseye ale nan yon lòt biwo DMV nan eta w la, oswa menm eseye pale ak yon lòt anplwaye nan menm DMV a.
Kisa ankò mwen bezwen fè, anplis pote dokiman yo?
Nan pifò eta yo, pou w resevwa yon lisans chofè, ou bezwen tou:
pase yon egzamen ekri, ki kapa b disponib nan plizyè lang
pase yon egzamen kondwi, ki kapa b mande pou w pote yon machin
pase yon egzamen vizyon
peye yon frè
Li kapa b gen lòt kondisyon tou, epi ou ta dwe tcheke sit entènèt eta w la!
Èske mwen kapa b kondwi nan yon lòt eta ak lisans chofè mwen an?
Si ou gen yon lisans chofè ki soti Michigan, ou ta dwe kapa b sèvi avè l pou w kondwi nan nenpòt eta Ozetazini.
Mwen gen tout dokiman yo, men mwen pa kondwi. Èske mwen kapa b toujou jwenn yon kat idantite eta a?
Si ou pa vle kondwi oswa si ou pa pare pou w pran egzamen lisans chofè yo, men ou vle yon kat idantite eta a toujou, ou kapa b eseye aplike pou yon kat idantite eta a pito. Pifò eta mande dokiman ki sanble pou kat idantite eta a ak lisans chofè. Anjeneral, ou kapa b aplike pou yon kat idantite eta a nan menm biwo kote w aplike pou yon lisans chofè a.
Èske mwen kapa b jwenn yon lisans chofè REAL ID?
Non. Nan Michigan, ou pa kapa b jwenn yon lisans chofè REAL ID kòm yon moun k ap chèche azil ki gen yon pemi travay. Si ou gen yon lòt estati imigrasyon, ou kapa b petèt jwenn yon lisans chofè REAL ID.
Nòt: Apati 7 me 2025, granmoun ki gen 18 an oswa plis ap bezwen yon idantifikasyon ki satisfè egzijans REAL ID pou yo vwayaje nan avyon Ozetazini. Pa egzanp, ou kapab sèvi ak yon kat pemi travay, yon paspò Etazini oswa yon lòt peyi, oswa yon lisans chofè ki konfòm ak REAL ID (sa yo gen yon zetwal nan kwen anwo kat la). Ou kapab wè yon lis konplè idantite yo aksepte isit la epi repons pou kesyon moun poze souvan isit la.
Èske mwen kapa b jwenn yon lisans pou chofè komèsyal (CDL)?
Non. Depi 16 mas 2026, gouvènman ameriken an bloke moun k ap chèche azil ak lòt imigran pou yo pa resevwa nouvo lisans pou chofè komèsyal, ki se lisans espesyal pou kondui gwo machin ki lou. Imigran yo ap konteste règ final sa a epi yo te depoze yon pouswit lajistis. Ou kapab jwenn plis enfòmasyon isit la.
ASAP (Pwojè ki an Defans pou Moun k ap Chèche Azil) vize bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo se pa konsèy legal.
Tout kontni legal yo ekri epi revize legalman pa ekip avoka ekspè nan imigrasyon ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo admèt nan Bawo nan plizyè eta Ozetazini, yo gen diplòm nan lwa nan inivèsite tankou Harvard, Yale, ak UCLA, epi yo genyen plizyè prim pou travay legal yo.