Ekri pa avoka imigrasyon ekspè ASAP yo · Mizajou nan dat
Avi sa a ki soti nan USCIS di ou dwe peye yon frè azil pou peye chak ane (annual asylum fee). Ou kapab wè dat limit pou peye frè sa a kote avi a di “Payment Required by.” Kounye a, frè sa a se $102.
Ou kapab peye frè a sou sit entènèt peman USCIS sa a. Antre nimewo alyen (A number) ou ak nimewo lèt USCIS voye ba ou pou fè w konnen yo te resevwa aplikasyon w lan (receipt notice) ki sou avi sa a. USCIS mande frè azil pou peye chak ane a si ou te soumèt yon aplikasyon azil bay USCIS depi plis pase yon ane, epi aplikasyon azil ou a toujou annatant nan USCIS.
Ou kapab resevwa yon vèsyon ki sanble ak sa a men ki yon ti jan diferan ki parèt tankou sa a. Ou te kapab resevwa yon vèsyon pi ansyen nan avi sa a tou ki parèt tankou sa a.
Ou kapab jwenn enfòmasyon ki pi resan yo konsènan frè azil pou peye chak ane nan USCIS la a.
ASAP (Pwojè ki an Defans pou Moun k ap Chèche Azil) gen pou objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo pa konsèy legal.
Tout kontni legal se ekip avoka imigrasyon ekspè ASAP yo ki ekri li epi ki revize li legalman. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Kolektifman, yo genyen plizyè santèn ka. Avoka nou yo admèt nan Baro nan plizyè eta Ozetazini, yo gen diplòm lalwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.