Ekri pa avoka imigrasyon ekspè ASAP yo · Mizajou nan dat
Sa se yon avi ou kapa b resevwa si ou nan detasyon (detention). Avi sa a eksplike gen yon pwosè ki rele Maldonado Bautista. Dapre pwosè sa a, si yo kenbe ou nan detansyon nan Adelanto, Kalifòni epi ou te travèse fwontyè a san ou pa t rankontre ak ajan imigrasyon yo, ou kapa b mande yon odyans pou kosyon (bond hearing). Nan yon odyans pou kosyon, ou kapa b mande yon jij imigrasyon pou li lage ou nan detansyon.
Nan mwa desanm 2025, yon tribinal te rann yon desizyon ki fè konnen imigran ki te antre san enspeksyon yo elijib pou odyans pou kosyon. Men, nan dat 6 mas 2026, yon tribinal ki pi wo te limite desizyon sa a.
Kòm rezilta nouvo lòd tribinal sa a, si yo kenbe ou nan detansyon nan Adelanto, Kalifòni epi ou te travèse fwontyè a san ou pa t rankontre ak ajan imigrasyon yo, pwosè a kapa b konsène ou epi ou kapa b eseye mande yon odyans pou kosyon. Nan demann odyans pou kosyon ou an, ou kapa b mete dokiman sa yo: lòd tribinal la, lòd sètifikasyon gwoup la, ak desizyon final la.
Si yo rejte demann ou an pou yon odyans pou kosyon, ou kapa b konsidere tou pou ou soumèt yon demann habeas corpus (habeas petition) nan yon tribinal federal pou mande pou yo lage ou nan detansyon.
Nan kèk sant detansyon imigrasyon, gouvènman an ap bay tout imigran avi sa a, kit pwosè Maldonado Bautista a konsène yo oswa non.
Si ou gen kesyon, ou kapa b chèche avoka isit la.
ASAP (Pwojè ki an Defans pou Moun k ap Chèche Azil) gen kòm objektif pou bay enfòmasyon ki kòrèk sou lwa imigrasyon aktyèl yo. Enfòmasyon sa yo pa reprezante konsèy legal.
Tout kontni legal yo ekri epi yo revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo gen lisans pou yo pratike nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.