Ekri pa avoka imigrasyon ekspè ASAP yo · Mizajou nan dat
Dokiman sa a se yon avi USCIS voye ki di ou ke ou kapab konekte aplikasyon ou te soumèt la ak yon kont USCIS (USCIS account) sou entènèt. Ou kapab resevwa avi sa a si ou te aplike pou yon pemi travay pa lapòs.
Premyèman, konekte sou kont USCIS ou genyen deja a oswa kreye yon nouvo kont. Apre sa, ou kapab konekte aplikasyon an ak kont ou a sou entènèt la lè ou sèvi ak nimewo resi ou ak kòd aksè sou entènèt ou an.
Si kòd aksè sou entènèt ou an ekspire deja, sit entènèt la ta dwe mennen ou sou yon paj kote ou kapab mande yon nouvo kòd. Pou plis enfòmasyon, klike sou lyen sa a ki mennen sou sit entènèt USCIS sa a.
Si ou pa janm resevwa avi sa a apre ou te fin soumèt yon aplikasyon pou pemi travay pa lapòs, ou kapab rele Sant Sèvis USCIS (Contact Center) nan 800-375-5283 pou mande youn.
ASAP (Pwojè ki an Defans pou Moun k ap Chèche Azil) gen kòm objektif pou bay enfòmasyon ki baze sou reyalite konsènan lwa imigrasyon aktyèl yo. Enfòmasyon sa yo pa konsèy legal.
Tout kontni legal yo ekri epi yo revize legalman pa ekip avoka imigrasyon ekspè ASAP yo. Avoka ekspè ASAP yo gen plizyè dizèn ane eksperyans nan lwa imigrasyon ak nan litij. Ansanm, yo genyen plizyè santèn ka. Avoka nou yo gen lisans pou pratike lalwa nan plizyè eta Ozetazini, yo gen diplòm nan dwa nan inivèsite tankou Harvard, Yale, ak UCLA, epi yo genyen plizyè pri pou travay legal yo fè.